Шымкент қаласының орталықтандырылған балалар кітапханалар жүйесіне қарасты № 9 кітапхана бөлімшесінің ұйымдастыруымен №40 мектептің 7 а сынып оқушыларымен «Жемқорлық індеті» атты тақырыбында пікір алмасу өтті.
Іс-шараның мақсаты: Өскелең ұрпақтың бойында сыбайлас жемқорлыққа қарсы мәдениетті қалыптастыру, адалдық, әділдік пен жауапкершілік құндылықтарын сіңіру.
Оқушылардың бұл мәселеге деген көзқарасы мен ересектерше ой түюі бізді тәнті етті. Іс – шара барысында белсенділік танытып, мынадай маңызды сұрақтарды талқылады:
1.Жемқорлық қоғамның дамуына қалай кесірін тигізеді?
2.Неліктен бұл құбылысты «індет» деп атаймыз? 3.Болашақта әділ қоғам құру үшін әрқайсымыз не істей аламыз?т.б.
Оқушылар өз ойларын ашық айтып, заң мен тәртіпті сақтау–әрбір азаматтың басты міндеті екенін алға тартты. Мұндай іс–шаралар балалардың бойында жемқорлыққа қарсы болуларына көмектесетіні сөзсіз.
