Сыбайлас жемқорлыққа қарсы іс-қимыл

Сыбайлас жемқорлық - бүгінгі күннің үлкен әлеуметтік қасіреті.
№2 кітапхана бөлімшесінде сыбайлас жемқорлыққа қарсы бағытталған «Жемқорлықсыз - болашаққа бірге» атты пікірталас өткізілді. Іс-шараға №2 мамандандырылған үш тілде оқытатын мектеп-интернатының 8 «А» сынып оқушылары қатысты.
Пікірталас барысында оқушыларға сыбайлас жемқорлықтың қоғамға және мемлекеттің дамуына тигізетін кері әсері туралы түсінік беріліп, оған қарсы күрес жолдары жөнінде пайдалы ақпараттар ұсынылды.
Оқушылар сыбайлас жемқорлықтың алдын алу туралы өз ойларын ортаға салып, пікір алмасты. Сонымен қатар «Жемқорлық туралы не білесің?» атты сауалнамаға қатысып, «Сыбайлас жемқорлыққа - жол жоқ» атты кітап көрмесімен танысты.
Әділ қоғам - әрқайсымыздың жауапкершілігіміз!