«Цифрландыру және жасанды интеллект жылы» аясында жастардың жасанды интеллект туралы білімін арттыру, логикалық ойлау қабілетін дамыту және жаңа технологиялардың мүмкіндіктерін көрсету мақсатында «Жасанды интеллект - жарқын болашақ кепілі» атты кездесу кеші Орталық кітапханада өтті.
Іс-шараға Shymkent Hub өкілдері,Шымкент техникалық колледж маманы, Шымкент қаласы білім басқармасының политехникалық колледжі маманы,Жаратылыстану-математика бағытындағы Назарбаев Зияткерлік мектебінің жетекшілері және дарынды оқушылар қатысты.
№81 Төлеген Тәжібаев атындағы жалпы орта мектептің оқушылары
«Жылы еден»
«Ақылды үй» жобаларын таныстырды.
№50 Ахмет Байтұрсынов атындағы мектеп-гимназиясының оқушылары өз шығармашылық жұмыстарын ұсынды.
№24 Саттар Ерубаев атындағы ІТ мектеп-лицейінің оқушылары да IT бағытындағы жобаларын таныстырып, тәжірибелерімен бөлісті.
Жасанды интеллект - білімде, медицинада, өндірісте, тұрмыста кең қолданылатын болашақ технологиясы!
Мақсат - оқырмандарға ЖИ туралы түсінік беру, цифрлық сауаттылықты арттыру және жастарды жаңа технологияға қызықтыру.
